കോതമംഗലം: അനധികൃതമായി കേരളത്തിൽ തങ്ങിയ ബംഗ്ലാദേശ് പൗരൻ അറസ്റ്റിൽ. ബംഗ്ലാദേശ് കിഷോർപ്പോർ സ്വദേശി മുഹമ്മദ് റാത്തോൺ ഇസ്ലാം (33)നെയാണ് കുറുപ്പംപടി പൊലീസ് പിടികൂടിയത്. മേതലയിലെ ഒരു പ്ലൈവുഡ് കമ്പനിയിൽ ജോലി ചെയ്തു വരികയായിരുന്നു.

യാതൊരു രേഖയുമില്ലായ അതിർത്തി കടന്ന് ഇന്ത്യയിലെത്തിയ ശേഷം കേരളത്തിൽ വിവിധ സ്ഥലങ്ങളിൽ ജോലി ചെയ്യുകയായിരുന്നു. ഇയാളിൽ നിന്ന് ബംഗ്ലാദേശ് പൗരനാണെന്നുള്ള രേഖകൾ കണ്ടെത്തി.

ഇൻസ്പെക്ടർ വി.രാജേഷ് കുമാർ, എസ്.ഐ പി.എം. മുഹമ്മദ് സീനിയർ സിപിഒ നൗഫൽ സിപിഒ മാരായ അനീഷ് കുമാർ, ബാലു എന്നിവരാണ് അന്വേഷണ സംഘത്തിലുണ്ടായിരുന്നത്.