കൊച്ചി: പെരുമ്പാവൂർ അതിഥി തൊഴിലാളിയെ കുത്തിക്കൊലപ്പെടുത്തി. വട്ടയ്ക്കാട്ടുപടി എസ്എൻഡിപിക്ക് സമീപം കുടുംബമായി വാടകയ്ക്ക് താമസിച്ചിരുന്ന ഒഡീഷ സ്വദേശി ആകാശ് ഡിഗൽ (34) ആണ് മരിച്ചത്. വട്ടക്കാട്ടുപടി നെടുംപുറത്ത് ബിജുവിന്റെ വാടക കെട്ടിടത്തിലാണ് ഇവർ താമസിച്ചുവന്നത്. ഇതേ കെട്ടിടത്തിൽ താമസിച്ചിരുന്ന ഒഡീഷ സ്വദേശി അഞ്ജന നായിക്കാണ് പ്രതി. സംഭവശേഷം ഇയാൾ ഓടി രക്ഷപ്പെട്ടു. പെരുമ്പാവൂര് പൊലീസ് സ്ഥലത്തെത്തി അന്വേഷണം ആരംഭിച്ചു.
ചൊവ്വാഴ്ച രാവിലെ 7.30 യോടെയായിരുന്നു സംഭവം.ഇരുവരും തമ്മിലുള്ള വാക്കുതര്ക്കമാണ് കത്തിക്കുത്തില് കലാശിച്ചത്. പരിക്കേറ്റ ആകാശിനെ ഉടന് താലൂക്ക് ആശുപത്രിയില് എത്തിച്ചുവെങ്കിലും മരണം സംഭവിച്ചു. മൃതദേഹം പെരുമ്പാവൂർ താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പ്രതിക്കായുള്ള തിരച്ചില് ഊര്ജ്ജിതമാക്കിയതായി പൊലീസ് പറഞ്ഞു.