ആലപ്പുഴ: മദ്യലഹരിയിൽ പൊലീസിനെയും ആശുപത്രി ജീവനക്കാരെയും മർദിച്ച സൈനിക സഹോദരങ്ങൾ അറസ്റ്റിൽ. ചിങ്ങോലി സ്വദേശികളായ അനന്തൻ, ജയനന്തൻ എന്നിവരെയാണ് പൊലീസ് കസ്റ്റഡിയിലെടുത്തത്. മദ്യപിച്ച് വാഹനമോടിച്ച് അപകടമുണ്ടാക്കിയതിനു പിന്നാലെ ആശുപത്രിയിലെത്ത് പരിശോധന നടത്തുന്നതിനിടെയാണ് അതിക്രമം.
ഞായറാഴ്ച വൈകീട്ടാണ് സംഭവം. അമിതമായി മദ്യപിച്ച ശേഷം വാഹനമോടിക്കുന്നതിനിടെ നങ്ങ്യാർകുളങ്ങരയ്ക്ക് സമീപം ഡിവൈഡറിൽ ഇടിച്ചുകയറുകയായിരുന്നു. പരുക്കേറ്റ ഇവരെ പൊലീസും നാട്ടുകാരും ചേർന്ന് ആശുപത്രിയിലെത്തിക്കുകയായിരുന്നു.
ഇതിനിടെയാണ് ഇരുവരും ഡോക്ടറെയും പൊലീസിനെയും ആക്രമിച്ചത്. തുടർന്ന് ജാമ്യമില്ലാ വകുപ്പുകൾ പ്രകാരം ഇരുവരെയും കസ്റ്റഡിയിലെടുക്കുകയായിരുന്നു.