നിഷാദ്
തിരുവനന്തപുരം: ഗോവയിൽ നിന്നും 11 ലിറ്റർ മദ്യം കടത്തിയ യുവാവ് പിടിയിൽ. ഞാറയിൽകോണം സ്വദേശി നിഷാദാണ് (45) പിടിയിലായത്. മദ്യം ട്രെയിൻ മാർഗം കൊല്ലത്ത് എത്തിച്ച ശേഷം അവിടെ നിന്ന് കെഎസ്ആർടിസ് ബസിൽ കല്ലമ്പലത്ത് എത്തിച്ചപ്പോഴാണ് ഇയാൾ പിടിയിലായത്.
ഉത്സവ സീസണായതിനാൽ ഉത്സവപറമ്പുകളിൽ മദ്യം വിൽക്കാനായിരുന്നു പദ്ധതി. വർക്കല എക്സൈസ് ഓഫീസിലെ അസിസ്റ്റന്റ് എക്സൈസ് ഓഫീസർ ആർ. രതീശൻ ചെട്ടിയാരുടെ നേതൃത്വത്തിലുള്ള സംഘത്തിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ബസ് തടഞ്ഞ് നിർത്തിയ പരിശോധനയിലാണ് ഇയാളെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.