ഇടുക്കി: വണ്ടിപ്പെരിയാറില് ബലാത്സംഗത്തിനിരയായി കൊല്ലപ്പെട്ട പെണ്കുട്ടിയുടെ പിതാവിനും മുത്തശ്ശനും കുത്തേറ്റ സംഭവത്തിൽ പ്രതി പിടിയിൽ. കേസില് കുറ്റവിമുക്തനാക്കപ്പെട്ട അര്ജുന്റെ പിതാവിന്റെ സഹോദരനായ പാൽരാജിനെയാണ് പൊലീസ് കസ്റ്റഡിയിലെടുത്തത്.
വണ്ടിപ്പെരിയാര് ടൗണില്വച്ചാണ് സംഭവം. കുട്ടിയുടെ അച്ഛനും മുത്തച്ഛനും ബൈക്കിൽ പോകുന്ന സമയത്ത് പാൽരാജ് പ്രകോപനപരമായി പൊരുമാറിയിരുന്നു. ഇതിനെ ചോദ്യം ചെയ്തതോടെ ആക്രമത്തിൽ കലാശിക്കുകയായിരുന്നു. തുടർന്ന് സംഭവസ്ഥലത്തു നിന്ന് രക്ഷപ്പെട്ട പ്രതിയെ പൊലീസ് കസ്റ്റഡിയിലെടുക്കുകയായിരുന്നു.