ഉത്തർപ്രദേശ്: ഭർത്താവിനെ കൊലപ്പെടുത്തി മൃതദേഹം സെപ്റ്റിക് ടാങ്കിൽ സംഭവത്തിൽ ഭാര്യ അറസ്റ്റിൽ. മുസഫർനഗർ ജില്ലയിലെ മണ്ഡൽ എന്ന ഗ്രാമത്തിലെ സാഗർ എന്നയാളാണ് കൊല്ലപ്പെട്ടത്. ഭാര്യ ആയിഷ‍യ്ക്കൊപ്പം ഇവരുടെ ആൺസുഹൃത്തായ സുഹൈൽ എന്നയാളെയും അറസ്റ്റ് ചെയ്തിട്ടുള്ളതായി പൊലീസ് അറിയിച്ചു.

ജൂൺ 6 നാണ് ഇയാളെ കാണാതെയായത്. തുടർന്ന് ലഭിച്ച പരാതിയിൽ അന്വേഷണത്തിൽ സെപ്റ്റിക് ടാങ്കിൽ നിന്ന് മൃതദേഹം കണ്ടെത്തുന്നത്. ഇതിനു പിന്നാലെയാണ് ഇവരുടെ ഭാര്യയെ അറസ്റ്റ് ചെയ്യുന്നത്.

ചോദ്യം ചെയ്യലിൽ ആൺസുഹൃത്തിന്‍റെ സഹായത്തോടെ ഭർത്താവിനെ കൊലപ്പെടുത്തി മൃതദേഹം സെപ്റ്റിക് ടാങ്കിൽ തള്ളുകയായിരുന്നു എന്ന് സമ്മതിച്ചു. ഇരുവരുടേയും ബന്ധത്തെക്കുറിച്ച് സാഗർ അറിഞ്ഞതാണ് കൊലപാതകത്തിന് കാരണമായതെന്ന് ആയിഷ കുറ്റം സമ്മതിച്ചെന്നും പൊലീസ് അറിയിച്ചു.