പാലക്കാട്: പട്ടാമ്പിക്കടുത്ത് ഭാരതപ്പുഴയിൽ അഴുകിയ മൃതദേഹം കണ്ടെത്തി. ആളെ തിരിച്ചറിഞ്ഞിട്ടില്ല. പത്ത് ദിവസത്തോളം പഴക്കമുള്ള മൃതദേഹമാണ് കണ്ടെത്തിയത്. ഏകദേശം 50 വയസ് പ്രായമുള്ള ആളുടെതാണ് മൃതദേഹം എന്നാണ് പ്രാഥമിക നിഗമനം.

പട്ടാമ്പി കരിമ്പനക്കടവ് ഭാഗത്ത് കാലി മേക്കാൻ എത്തിയവരാണ് ആദ്യം മൃതദേഹം കണ്ടത്. പിന്നീട് തൃത്താല പൊലീസിൽ അറിയിച്ചു. പ്രാഥമിക നടപടികൾക്ക് ശേഷം മൃതദേഹം പോസ്റ്റ്മോർട്ടത്തിനായി മാറ്റി.