കൊച്ചി: ചിന്നക്കനാൽ, ശാന്തൻപാറ മേഖലയിൽ നാശം വിതക്കുന്ന അരിക്കൊമ്പനെ പറമ്പിക്കുളത്തേക്ക് അയക്കാനുള്ള കോടതി വിധിക്കെതിരെ നെന്മാറ എം എൽഎ കെ ബാബു ഹൈക്കോടതിയിൽ ഹർജി നൽകി. അരിക്കൊമ്പനെ പറമ്പിക്കുളത്തേക്ക് എത്തിക്കരുതെന്നാവശ്യപ്പെട്ടാണ് ഹർജി.
പറമ്പിക്കുളം മേഖലയോടു ചേർന്ന് 6 പഞ്ചായത്തുകളുണ്ട്. അരിക്കൊമ്പനെ പറമ്പിക്കുളത്തേക്ക് മാറ്റിയാൽ അവിടുത്തെ ജനങ്ങൾക്ക് ഭീഷണിയാണ്. ആ മേഖലയിലുള്ളവരുടെയോ പഞ്ചായത്തുകളുടെയോ ഒന്നും അഭിപ്രായം വിദഗ്ത സമിതി ചോദിച്ചില്ലെന്നും ഹർജിയിൽ ചൂണ്ടിക്കാണിക്കുന്നു.
പറമ്പിക്കുളത്ത് നിരവധി റേഷൻ കടകളും പലചരക്ക് കടകളും ഉണ്ട്. ആദിവാസി സമൂഹം ഉൾപ്പെടുന്ന കുടുംബങ്ങൾ ആശങ്കയിലാണെന്നും എംഎൽഎ പറഞ്ഞു. പ്രതിഷേധം കടുപ്പിക്കാനാണ് പ്രദേശവാസികളുടെ നീക്കം.