ആലപ്പുഴ: നിർമാണത്തിലിരുന്ന പാലം തകർന്നുണ്ടായ അപകടത്തിൽ രണ്ടുപേർ മരിച്ചു. മാവേലിക്കരയിലാണ് സംഭവം. ഹരിപ്പാട് സ്വദേശിയായ ബിനു, തൃക്കുന്നപ്പുഴ സ്വദേശി രാഘവ് കാർത്തിക്ക് എന്നിവരാണ് മരിച്ചത്.

ബിനുവിന്‍റെ മൃതദേഹം അച്ചൻകോവിലാറിൽ നിന്നുമാണ് കണ്ടെടുത്തത്. സംഭവത്തിൽ 7 പേരെ കാണാതായിരുന്നു. നീന്തി രക്ഷപ്പെട്ട 5 പേർ ഒഴികെയുള്ളവരുടെ 2 പേരെയാണ് മരിച്ച നിലയിൽ കണ്ടെത്തിയത്.

മന്ത്രി സജി ചെറിയാൻ, എംഎൽഎ യു. പ്രതിഭ എന്നിവരുടെ സാന്നിധ‍്യത്തിൽ മണിക്കൂറോളം നീണ്ട തെരച്ചിലിനൊടുവിലാണ് മൃതദേഹം കണ്ടെത്തിയത്. നിർമാണം നടക്കുന്നതിനിടെ സ്പാൻ തകർന്നാണ് അപകടമുണ്ടായത്. ചെന്നിത്തല- ചെട്ടിക്കുളങ്ങര പഞ്ചായത്തുകളെ ബന്ധിപ്പിക്കുന്ന പാലമാണിത്.