കോഴിക്കോട്: നാലു വയസുകാരിയെ പീഡിപ്പിച്ചെന്ന പരാതിയിൽ പ്രതിയായ നടൻ കൂട്ടിക്കൽ ജയചന്ദ്രനെതിരേ പോക്സോ അടക്കമുള്ള വകുപ്പുകൾ ചുമത്തി കുറ്റപത്രം സമർപ്പിച്ചു. കസബ പൊലീസാണ് ജില്ലാ സെഷൻസ് കോടതിയിൽ കുറ്റപത്രം സമർപ്പിച്ചത്. കുറ്റപത്രം ഫയലിൽ സ്വീകരിച്ച കോടതി തുടർ നടപടികൾക്കുശേഷം കേസ് പോക്സോ പ്രത്യേക കോടതിക്കു കൈമാറും.

2024ലാണ് കസബ പൊലീസ് ജയചന്ദ്രനെ പ്രതിയാക്കി കേസെടുക്കുന്നത്. ജില്ലാ കോടതിയും ഹൈക്കോടതിയും മുൻകൂർ ജാമ്യം നിഷേധിച്ചതിനെത്തുടർന്ന് 6 മാസത്തോളം ഒളിവിലായിരുന്നു ഇയാൾ. പിന്നീട് സുപ്രീം കോടതി ജാമ്യം അനുവദിച്ചതിനു ശേഷമാണ് അന്വേഷണ ഉദ്യോഗസ്ഥനു മുന്‍പാകെ ഹാജരാകുന്നത്. ഈ വർഷം ജനുവരി 30ന് കസബ സ്റ്റേഷനിലെത്തിയ ജയചന്ദ്രനെ ചോദ്യം ചെയ്ത് വിട്ടയച്ചിരുന്നു.