തിരുവനന്തപുരം: ചരിത്രത്തിലാദ്യമായി 11 കോടി യൂണിറ്റ് കടന്ന് സംസ്ഥാനത്തെ വൈദ്യുതി ഉപയോഗം. 11.01039 കോടി യൂണിറ്റ് വൈദ്യുതി ഉപയോഗമാണ് തിങ്കളാഴ്ച രേഖപ്പെടുത്തിയത്. പീക്ക് മണിക്കൂറുകളിലെ വൈദ്യുതി ഉപയോഗവും റെക്കോഡുകൾ ഭേദിച്ചു.

വൈകീട്ട് 6 മുതൽ 12 വരെയുള്ള സമയത്ത് അത്യാവശ്യമല്ലാത്ത എല്ലാ വൈദ്യുതോ പകരണങ്ങളും ഓഫ് ചെയ്തും, മാറ്റിവയ്ക്കാവുന്ന പ്രവർത്തനങ്ങൾ പകൽ സമയത്തേക്ക് പുന:ക്രമീകരിച്ചും, ഓട്ടോമാറ്റിക് പമ്പ്സെറ്റുകളുടെ പ്രവർത്തനം ഓഫ് ചെയ്തും സഹകരിക്കണം എന്ന് കെഎസ്ഇബി അഭ്യർഥിക്കുന്നു.