കണ്ണൂർ: കോഴിക്കോട് നിന്ന് ദുബായിലേക്ക് പുറപ്പെട്ട എയർ ഇന്ത്യ വിമാനം കണ്ണൂർ വിമാനത്താവളത്തിൽ അടിയന്തരമായി ലാൻഡ് ചെയ്തു. സങ്കേതിക പ്രശ്നങ്ങളെ തുടർന്നാണ് അടിയന്തര ലാൻഡിങ്.

രാവിലെയാണ് കോഴിക്കോട് നിന്നും വിമാനം ദുബായിലേക്ക് പുറപ്പെട്ടത്. വിമാനത്തിന്‍റെ കാർഗോ ഹോളിൽ പുക കണുകയായിരുന്നു. കോഴിക്കോട് വിമാനത്താവളത്തിലെ ചില റൺവേകളിൽ പണി നടക്കുന്നതിനാൽ ലാൻഡിങ് കണ്ണൂരിലേക്ക് മാറ്റുകയുമായിരുന്നു. യാത്രക്കാരെ വിമാനത്തിൽ നിന്നും പുറത്തിറക്കിയെന്നും ഭയപ്പെടേണ്ട സാഹചര്യം ഇല്ലെന്നും വിമാനത്താവള അധികൃതർ അറിയിച്ചു.