ആലപ്പുഴ: സർക്കാരിന്‍റെ മുഖ്യ പരിഗണനയും മുൻഗണനയും സാധാരണക്കാരന്‍റെ മുഖവും മനസുമാണെന്ന് മന്ത്രി പി. പ്രസാദ്. സംസ്ഥാനത്തെ അതിദാരിദ്ര്യമുക്തമാക്കുക എന്ന സർക്കാർ നയം ഇതിന് ഉദാഹരണമാണെന്നും മന്ത്രി.

സംസ്ഥാന സർക്കാരിന്‍റെ നാലാം വാർഷികത്തോടനുബന്ധിച്ച് ആലപ്പുഴയിൽ സംഘടിപ്പിച്ച എന്‍റെ കേരളം പ്രദർശന വിപണന മേള ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി.

ജില്ലയുടെ ചരിത്രത്തിലെ ഏറ്റവും വലിയ വികസന മുന്നേറ്റമാണ് എൽഡിഫ് സർക്കാരിന്‍റെ ഒമ്പത് വർഷങ്ങളിൽ കാണാനാകുന്നതെന്ന് അധ്യക്ഷ പ്രസംഗത്തിൽ മന്ത്രി സജി ചെറിയാൻ പറഞ്ഞു.