നെയ്യാറ്റിൻകരയിൽ മകന്‍റെ മർദനമേറ്റ് ചികിത്സയിലായിരുന്ന പിതാവ് മരിച്ചു
file
തിരുവനന്തപുരം: മകൻ മർദിച്ചതിനെത്തുടർന്ന് ചികിത്സയിൽ കഴിയുകയായിരുന്ന പിതാവ് മരിച്ചു. തിരുവനന്തപുരം നെയ്യാറ്റിൻകരയിലാണ് സംഭവം. വെൺപകൽ സ്വദേശി സുനിൽകുമാറാണ് ചൊവ്വാഴ്ച പുലർച്ചയോടെ ആശുപത്രിയിൽ വച്ച് മരിച്ചത്. മകൻ സിജോ സാമുവലിനെ നെയ്യാറ്റിൻകര പൊലീസ് കസ്റ്റഡിയിലെടുത്തു.
കഴിഞ്ഞ 11-ാം തീയതിയായിരുന്നു സംഭവം. മകൻ സിജോ പിതാവിനെ കമ്പി വടി കൊണ്ട് തലയ്ക്ക് അടിക്കുകയായിരുന്നു. സിജോ മാതാപിതാക്കളെ നിരന്തരം ഉപദ്രവിക്കാറുണ്ടായിരുന്നുവെന്നാണ് പൊലീസ് പറ‍യുന്നത്. നെയ്യാറ്റിൻകര പൊലീസ് കേസിൽ തുടർനടപടികൾ സ്വീകരിച്ചു.