തിരുവനന്തപുരം: സംസ്ഥാനത്ത് മഴ മുന്നറിയിപ്പിൽ മാറ്റം. തീവ്ര മഴ കണക്കിലെടുത്ത് തിരുവനന്തപുരം ജില്ലയിൽ കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചിട്ടുണ്ട്. എട്ട് ജില്ലകളില് യെലോ അലര്ട്ടും പ്രഖ്യാപിച്ചു. കൊല്ലം, പത്തനംതിട്ട, ആലപ്പുഴ, കോട്ടയം എറണാകുളം, കോഴിക്കോട്, വയനാട്, കണ്ണൂര് എന്നീ ജില്ലകളിലാണ് യെലോ അലർട്ട്.
തെക്കു കിഴക്കന് ബംഗാള് ഉള്ക്കടലിന് മുകളിലായും തെക്കു കിഴക്കന് അറബിക്കടലിലുമാണ് ചക്രവാതച്ചുഴി സ്ഥിതി ചെയ്യുന്നത്. തെക്കു കിഴക്കന് ബംഗാള് ഉള്ക്കടലില് നിന്നും തെക്കന് തമിഴ്നാട് വരെ ന്യൂനമർദ പാത്തിയും നിലനില്ക്കുന്നു. ഇതിന്റെയെല്ലാം സ്വാധീനഫലമായി കേരളത്തില് അടുത്ത അഞ്ചു ദിവസം ഇടിമിന്നലോടു കൂടിയ മഴക്ക് കാലാവസ്ഥ വകുപ്പ് പ്രവചിക്കുന്നത്.