കോഴിക്കോട്: കനത്ത മഴയെ തുടർന്ന് സംസ്ഥാനത്ത് വിവിധ ജില്ലകളിലെ സ്കൂളുകൾക്ക് അവധി പ്രഖ്യാപിച്ചു. കോഴിക്കോട്, കാസർഗോഡ്, കണ്ണൂർ ജില്ലകളിലെ സ്കൂളുകൾക്കാണ് ചൊവ്വാഴ്ച അവധി പ്രഖ്യാപിച്ചിരിക്കുന്നത്.

കോഴിക്കോട്ടും കാസർഗോഡും കണ്ണൂരിലും ചൊവ്വാഴ്ച കാലാവസ്ഥാ വകുപ്പ് അതിതീവ്ര മഴ കണക്കിലെടുത്ത് റെഡ് അലർട്ട് പ്രഖ്യാപിച്ചിട്ടുണ്ട്. ഈ സാഹചര്യത്തിലാണ് ജില്ലാ കലക്റ്റർമാർ സ്കൂളുകൾക്ക് അവധി പ്രഖ്യാപിച്ചത്.

അംഗണവാടികളും മദ്രസകളും ട്യൂഷൻ സെന്‍ററുകളും കോളെജുകളുമടക്കം ജില്ലകളിലെ മുഴുവൻ വിദ്യാഭ്യാസ സ്ഥാപനങ്ങൾക്കുമാണ് അവധി പ്രഖ്യാപിച്ചിരിക്കുന്നത്. യൂണിവേഴ്സിറ്റി പരീക്ഷകളും പിഎസ്സി പരീക്ഷകളും മാറ്റമില്ലാതെ നടക്കും