കൊച്ചി: സ്ത്രീത്വത്തെ അപമാനിച്ചുവെന്ന് കാണിച്ച് നടി ഹണി റോസ് നല്കിയ പരാതിയിൽ രാഹുൽ ഈശ്വറിനെതിരേ കേസെടുത്തിട്ടില്ലെന്ന് വ്യക്തമാക്കി പൊലീസ്. എറണാകുളം സെൻട്രൽ പൊലീസാണ് ഹൈക്കോടതിയിൽ റിപ്പോർട്ട് നൽകിയിരിക്കുന്നത്. രാഹുൽ ഈശ്വറിന്‍റെ മുൻകൂർ ജാമ്യാപേക്ഷ കോടതി ഉടൻ പരിഗണിക്കാനിരിക്കേയാണ് പൊലീസ് റിപ്പോർട്ട് സമർപ്പിച്ചിരിക്കുന്നത്.
ഹണി റോസ് നൽകിയ പരാതിയിൽ പ്രാഥമികാന്വേഷണം നടന്നു വരുകയാണെന്നും പൊലീസ് ഹൈക്കോടതിയിൽ സമർപ്പിച്ച റിപ്പോർട്ടിൽ വ്യക്തമാക്കിയിട്ടുണ്ട്.
ഹണി റോസിന്‍റെ പരാതിയിൽ ബോബി ചെമ്മണൂരിനെ പൊലീസ് അറസ്റ്റ് ചെയ്തിരുന്നു. ആ സാഹചര്യത്തിലാണ് നടിയുടെ വസ്ത്രധാരണ രീതിയെക്കുറിച്ച് രാഹുൽ ഈശ്വർ മോശം പ്രസ്താവന നടത്തിയത്.