കൊച്ചി: കലൂരിലെ നൃത്ത പരിപാടിക്കിടെ ഉമ തോമസ് എംഎൽഎയ്ക്ക് ഗുരുതരമായി പരുക്കേറ്റ സംഭവത്തിൽ മൃദംഗ വിഷൻ ഉടമ നിഗോഷ് കുമാർ അറസ്റ്റിൽ. 7 മണിക്കൂർ നീണ്ട ചോദ്യം ചെയ്യലിനൊടുവിലാണ് നിഗോഷിന്‍റെ അറസ്റ്റ് പാലാരിവട്ടം പൊലീസ് രേഖപ്പെടുത്തിയത്.
മുൻകൂർ ജാമ്യ ഹർജി നൽകിയപ്പോൾ ഹൈക്കോടതി നിർദേശിച്ച പ്രകാരം ഉച്ചയോടെയാണ് പാലരിവട്ടം പൊലീസ് സ്റ്റേഷനിൽ നിഗോഷ് കീഴടങ്ങിയത്. 2 മണിക്ക് ശേഷവും നിഗോഷ് കീഴടങ്ങിയില്ലെങ്കിൽ അറസ്റ്റു ചെയ്യാനുള്ള ഒരുക്കങ്ങളിലേക്ക് പൊലീസ് കടക്കവെയായിരുന്നു നിഗോഷിന്‍റെ കീഴടങ്ങൽ. നിർമ്മാണത്തിലെ അപാകത, സാമ്പത്തിക വഞ്ചന എന്നീ കുറ്റങ്ങളാണ് നിഗോഷിനെതിരേ ചുമത്തിയിരിക്കുന്നത്.