തിരുവനന്തപുരം: സംസ്ഥാനത്ത് അതിതീവ്ര മഴ. വിവിധയിടങ്ങളിൽ ചൊവ്വാഴ്ച രാവിലെ മുതൽ ശക്തമായ മഴയാണ് ലഭിക്കുന്നത്. അടുത്ത 3 മണിക്കൂറിൽ കേരളത്തിലെ ആലപ്പുഴ, കോട്ടയം, ഇടുക്കി, എറണാകുളം, തൃശൂർ (ഓറഞ്ച് അലർട്ട് : അടുത്ത മൂന്ന്‌ മണിക്കൂർ മാത്രം) ജില്ലകളിൽ ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്നാണ് കാലാവസ്ഥ വകുപ്പ് അറിയിക്കുന്നത്.

മറ്റെല്ലാ ജില്ലകളിലും ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

കൊച്ചിയിൽ പുലർച്ചെ ആരംഭിച്ച ശക്തമായ മഴയെ തുടർന്ന് വിവിധയിടങ്ങളിൽ വെള്ളക്കെട്ട് രൂപപ്പെട്ടു. ഗതാഗതം തടസപ്പെട്ടു. ഇടുക്കി, കോട്ടയം ജില്ലകളിലും ശക്തമായ മഴയാണ് അനുഭവപ്പെടുന്നത്. രാത്രി യാത്രകൾ ഒഴുവാക്കാൻ നിർദേശം നൽകിയിട്ടുണ്ട്.