പാലക്കാട്: നിർത്തിയിട്ടിരുന്ന കെഎസ്ആർടിസി ബസ് മോഷ്ടിച്ച് വഴിയരികിൽ ഉപേക്ഷിച്ചു. പാലക്കാട്- തൃശൂർ റൂട്ടിൽ ഓടുന്ന ബസാണ് ഞായറാഴ്ച പുലർച്ചയോടെ മോഷ്ടിക്കപ്പെട്ടത്. ശനിയാഴ്ച സർവീസ് കഴിഞ്ഞ ശേഷം ഡിപ്പോക്ക് പുറത്തുള്ള മദ്യവിൽപ്പന ശാലയ്ക്ക് മുന്നിലെ റോഡിലാണ് ബസ് നിർത്തിയിട്ടിരുന്നത്.

അതിരാവിലെ മറ്റു ജീവനക്കാർ നോക്കി നിൽക്കേയാണ് അജ്ഞാതൻ ബസുമായി കടന്നു കളഞ്ഞത്. പാലക്കാട് ടൗണിലൂടെ വാഹനമോടിച്ചതിനിടെ പല തവണ മതിലിലും കടകളുടെ ഭിത്തികളിലും ബസ് ഇടിച്ചു.

പിന്നീട് വഴിയരികിൽ ബസ് ഉപേക്ഷിച്ച ശേഷം മോഷ്ടാവ് കടന്നു ക‌ളയുകയായിരുന്നു. സിസിടിവി ദൃശ്യങ്ങൾ അടിസ്ഥാനമാക്കി അന്വേഷണം ആരംഭിച്ചു.