Kerala

ബസിൽ യുവാവിന്‍റെ നഗ്നതാ പ്രദർശനം: ദുരനുഭവം പങ്കുവച്ച് യുവതി (video)

കോഴിക്കോട് സ്വദേശിയാണ് ഇയാൾ

MV Desk

അങ്കമാലി: കെഎസ്ആർടിസി ബസിൽ യാത്രയ്ക്കിടെ യുവാവ് മോശമായി പെരുമാറിയ സംഭവം വിവരിച്ച് തൃശൂർ സ്വദേശിയും സിനിമാ പ്രവർത്തയുമായ നന്ദിത ശങ്കർ സമൂഹമാധ്യമങ്ങളിൽ പങ്കുവച്ച വീഡിയൊ ചർച്ചയാവുകയാണ്.

ചൊവ്വാഴ്ച്ചയാണ് കേസിനാസ്പദമായ സംഭവം നടക്കുന്നത്. സിനിമയുടെ ആവശ്യത്തിനായി നന്ദിത എറണാകുളത്തേക്ക് കെഎസ്ആർടിസി ബസിൽ യാത്രചെയ്യുകയായിരുന്നു. അങ്കമാലിയിൽ നിന്നുമാണ് സവാദ് (27) ബസിൽ കയറിയത്.സ്ത്രീകൾക്ക് മുൻഗണനയുള്ള 3 പേർക്ക് ഇരിക്കാവുന്ന സീറ്റിൽ നന്ദിതയിക്കും മറ്റൊരു സ്ത്രീക്കും ഇടയിലാണ് പ്രതിയായ സവാദ് ഇരുന്നത്. ബസ് എടുത്തതോടെ ഇയാൾ നന്ദിതയോട് മോശമായി പെരുമാറാൻ തുടങ്ങി. ആദ്യം കാര്യമാക്കിയില്ല, പിന്നീട് ഇയാൾ നഗ്നത പ്രദർശനം നടത്താൻ ഒരുങ്ങിയതോടെ നന്ദിത ബഹളം വയ്ക്കുകയായിരുന്നു. തുടർന്ന് സീറ്റിൽ നിന്നും എഴുന്നേറ്റ ഇയാൾ അത്താണിയിൽ സിഗ്നലിൽ വണ്ടി നിർത്തിയപ്പോൾ ഇറങ്ങി ഓടുകയായിരുന്നു. പിന്നാലെ ഓടിയ കണ്ടക്‌ടർ പിടികൂടാൻ ശ്രമിച്ചെങ്കിലും ഇയാൾ കുതറി ഓടുകയായിരുന്നു. ഇതോടെ കൂടുതൽ യാത്രക്കാരും നാട്ടുകാരും കൂടി ഇയാളെ പിടികൂടി നെടുമ്പാശ്ശേരി പൊലീസിൽ ഏൽപ്പിച്ചു.

കോഴിക്കോട് സ്വദേശിയാണ് ഇയാൾ. ഇത്തരമൊരു പ്രശ്നം ഉണ്ടായപ്പോൾ കെഎസ്ആർടിസി ജീവനക്കാരും ഒരു നിയമവിദ്യാർഥിയുമാണ് അനുകൂലിച്ച് ഒപ്പമുണ്ടായിരുന്നതെന്നും നന്ദിത പറയുന്നു. ഇയാളെ കോടതിയിൽ ഹാജരാക്കി 14 ദിവസത്തേക്ക് റിമാൻഡു ചെയ്തു.

വിദേശത്തേക്ക് കടന്നേക്കുമെന്ന് സൂചന; വിമാനത്താവളത്തിൽ രാഹുലിനായി ലുക്ക്ഔട്ട് നോട്ടീസ്

ടെറസിലേക്ക് വലിച്ചിഴച്ച് കൊണ്ടുപോയി പീഡിപ്പിച്ചു, ബ്ലാക്ക് മെയിൽ ചെയ്തു; ഡിവൈഎസ്പിക്കെതിരേ യുവതിയുടെ പരാതി

ഡിറ്റ് വാ ചുഴലിക്കാറ്റ്: ബീച്ചിലേക്കുള്ള യാത്ര ഒഴിവാക്കണം, കള്ളക്കടലിനും കടലാക്രമണത്തിനും സാധ്യത

അസം മുഖ്യമന്ത്രിയുടെ എഐ വിഡിയോ പ്രചരിപ്പിച്ചു; 3 കോൺഗ്രസ് നേതാക്കൾ അറസ്റ്റിൽ

രാജ്യം സാംസ്കാരിക ഉയർത്തെഴുന്നേൽപ്പിൽ: പ്രധാനമന്ത്രി