കൊല്ലം: കൊട്ടാരക്കരയിൽ ബൈക്ക് നിയന്ത്രണം വിട്ട് ഇലക്ട്രിക് പോസ്റ്റിൽ ഇടിച്ച് ഒരാൾ മരിച്ചു. കൊട്ടിയം മയ്യനാട് സ്വദേശി കാർലോസ് ആണ് മരിച്ചത്. കാർലോസിന്‍റെ ബന്ധുവും ഒപ്പമുണ്ടായിരുന്നു. ഇയാൾ ചികിത്സയിൽ തുടരുകയാണ്.

ശനിയാഴ്ച രാത്രി 9 മണിയോടെയായിരുന്നു അപകടം. പുനലൂരിൽ വിവാഹ സൽക്കാരത്തിൽ പങ്കെടുത്ത് മടങ്ങവെ കൊട്ടാരക്കര വിജയ ആശുപത്രിക്ക് സമീപമാണ് അപകടമുണ്ടായത്. പരുക്കേറ്റവരെ സമീപത്തുണ്ടായിരുന്നവരാണ് ആശുപത്രിയിൽ എത്തിച്ചത്. മരിച്ച കാർലോസിന്‍റെ പരുക്ക് ഗുരുതരമായിരുന്നു.