കൊച്ചി: കേരളസർക്കാരിന്‍റെ ഔദ്യോഗികഭാഷ സംബന്ധിച്ച ഉന്നതതലസമിതിയിലേക്ക് പ്രമുഖ സാഹിത്യവിമർശകനും 'അക്ഷരജാലകം' പംക്തീകാരനുമായ ഡോ. എം.കെ. ഹരികുമാറിനെ തെരഞ്ഞെടുത്തു. ഡോ. സുനിൽ പി. ഇളയിടം. ഡോ. ഷീബാ ദിവാകരൻ, ഡോ. ജെയിംസ് മണിമല, ഡോ. എം.എം. ബഷീർ എന്നിവരാണ് പുന:സംഘടിപ്പിച്ച സമിതിയിലെ മറ്റംഗങ്ങൾ.
കേരള സർക്കാരിന്‍റെ ഔദ്യോഗിക ഭാഷാനയം നടപ്പാക്കുന്നതിനും ഭാഷാമാറ്റം അവലോകനം ചെയ്യുന്നതിനും, ഭാഷാ നയപരിപാടിയിലെ പോരായ്മകൾ പരിഹരിക്കുന്നതിനുള്ള മാർഗങ്ങൾ നിർദ്ദേശിക്കുന്നതിനുമാണ് സമിതി പ്രവർത്തിക്കുക. മുഖ്യമന്ത്രി അധ്യക്ഷനും സാംസ്കാരികമന്ത്രി ഉപാധ്യക്ഷനുമാണ് .
നാല് പതിറ്റാണ്ടിലേറെയായി സാഹിത്യ രംഗത്ത് പ്രവർത്തിക്കുന്ന എം.കെ. ഹരികുമാർ വിമർശനം, നോവൽ, കവിത, കഥ, അക്ഷരജാലകം എന്നീ വിഭാഗങ്ങളിലായി മുപ്പത്തിരണ്ടു പുസ്തകങ്ങൾ പ്രസിദ്ധീകരിച്ചിട്ടുണ്ട്.
മെട്രൊ വാർത്തയിൽ ആഴ്ചതോറും പ്രസിദ്ധീകരിക്കുന്ന 'അക്ഷരജാലകം' രാജ്യത്ത് ഏറ്റവും ദീർഘകാലമായി തുടരുന്ന സാഹിത്യപംക്തിയാണ്.