പത്തനംതിട്ട: ശബരിമല സ്വർണക്കൊള്ളയുമായി ബന്ധപ്പെട്ട കേസിൽ അറസ്റ്റിലായ ദേവസ്വം ബോർഡ് മുൻ പ്രസിഡന്‍റ് എൻ. വാസുവിനെ 14 ദിവസത്തേക്ക് റിമാൻഡ് ചെയ്തു. പത്തനംതിട്ട കോടതിയുടേതാണ് നടപടി. കൊട്ടാരക്കര സബ്ജയിലിലേക്ക് വാസുവിനെ മാറ്റും.

കട്ടിളപ്പാളിയിൽ സ്വർണം പൂശിയതുമായി ബന്ധപ്പെട്ട കേസിൽ മൂന്നാം പ്രതിയായാണ് വാസുവിനെ അറസ്റ്റ് ചെയ്തത്. എൻ. വാസു പ്രതികളുമൊത്ത് ഗൂഢാലോചന നടത്തിയതായും ഇതുവഴി ബോർഡിന് നഷ്ടമുണ്ടായെന്നുമാണ് പ്രത‍്യേക അന്വേഷണ സംഘത്തിന്‍റെ റിമാൻഡ് റിപ്പോർട്ടിൽ പറയുന്നത്.