തിരുവനന്തപുരം: സംസ്ഥാനത്തെ 23 തദ്ദേശ വാർഡുകളിൽ നടന്ന ഉപതെരഞ്ഞെടുപ്പിൽ എൽഡിഎഫിന് നേട്ടം. കോൺഗ്രസിൽ നിന്നും ബിജെപിയിൽ നിന്നും എൽഡിഎഫ് 6 സീറ്റുകൾ പിടിച്ചെടുത്തു തിരുവനന്തപുരം നഗരസഭയിലെ വെള്ളാര്, ഒറ്റശേഖരമംഗലം പഞ്ചായത്തിലെ കുന്നനാട്, ചടയമംഗലം പഞ്ചായത്തിലെ കുരിയോട് വാര്ഡുകള് ബിജെപിയിൽ നിന്ന് പിടിച്ചെടുത്തു.
നെടുമ്പാശേരിയിലെ കൽപക നഗര്, മുല്ലശേരിയിലെ പതിയാര് കുളങ്ങര മുഴപ്പിലങ്ങാട്ടെ മമ്മാക്കുന്ന് വാര്ഡുകള് യുഡിഎഫിൽ നിന്ന് പിടിച്ചെടുത്തു. നെടുമ്പാശേരിയില് ഇതോടെ യുഡിഎഫിന് ഭരണം നഷ്ടമായി. മട്ടന്നൂര് നഗരസഭയിൽ ബിജെപി കന്നിജയം നേടി. മട്ടന്നൂര് ടൗണ് വാര്ഡ് കോണ്ഗ്രസിൽ നിന്നാണ് ബിജെപി പിടിച്ചെടുത്തത്. വെള്ളാറില് സിപിഐ വിജയിച്ചു. ബിജെപിയുടെ സിറ്റിങ് സീറ്റായ തിരുവനന്തപുരം ഒറ്റ ശേഖരമംഗലം പഞ്ചായത്തിലെ കുന്നനാട് വാർഡിൽ എൽഡിഎഫ് ബിജെപിയെ അട്ടിമറിച്ചു. ഇടുക്കി മൂന്നാറ് മൂലക്കടയിൽ കോൺഗ്രസ് സ്ഥാനാർഥി വിജയിച്ചു.
10 ജില്ലകളിലായി ഒരു കോർപ്പറേഷൻ നാലു മുനിസിപ്പാലിറ്റി 18 ഗ്രാമപഞ്ചായത്ത് വാർഡുകളിലേക്കാണ് തെരഞ്ഞെടുപ്പ് നടന്നത്. തിരുവനന്തപുരം കോർപ്പറേഷനിൽ വെള്ളാർ ഡിവിഷനിലാണ് ഉപതെരഞ്ഞെടുപ്പ് നടന്നത്. സംസ്ഥാനമൊട്ടാകെ 88 പേരാണ് ജനവിധി തേടിയത്.