പത്തനംതിട്ട: പെരുനാട്ടിൽ വീണ്ടും കടുവയിറങ്ങി. ശനിയാഴ്ച രാവിലെയാണ് കടുവ ഇറങ്ങി തോട്ടം തൊഴിലാളികളെ ആക്രമിക്കാന്‍ ശ്രമിച്ചത്. തലനാരിഴയ്ക്ക് ഇവർ രക്ഷപ്പെടുകയായിരുന്നു.

ഒരാഴ്ചയ്ക്കുള്ളിൽ 2 വളർത്തുമൃഗങ്ങളെയാണ് കടുവ ആക്രമിച്ചുകൊലപ്പെടുത്തിയത്. വ്യാഴാഴ്ച ഒരു പശുവിനെയും വെള്ളിയാഴ്ച ഒരു ആടിനെയും കൊന്നു. വളർത്തുമൃഗങ്ങളെ കൊന്നത് കടുവയാണെന്ന് വനംവകുപ്പ് സ്ഥിരീകരിച്ചു. കടുവയെ പിടികൂടാനായി പ്രദേശത്ത് കൂട് സ്ഥാപിച്ചിട്ടുണ്ട്.