തിരുവനന്തപുരം: മൈക്ക് വിവാദത്തിൽ ഇടപെട്ട് മുഖ്യമന്ത്രി പിണറായി വിജയൻ. കേസ് വേണ്ട, പരിശോധനമാത്രം മതിയെന്ന് പ്രതികരണവുമായി അദ്ദേഹം രംഗത്തെത്തി. തുടർന്ന് പരിശോധനയ്ക്കു ശേഷം മൈക്കും പിടിച്ചെടുത്ത മറ്റ് ഉപകരണങ്ങളും ഉടമയ്ക്ക് തിരികെ നൽകി. സംഭവം രാഷ്ട്രീയ വിവാദമായതോടെയാണ് നടപടി.

ഉമ്മൻ ചാണ്ടി അനുസ്മരണത്തിനിടെ മുഖ്യമന്ത്രി സംസാരിക്കാനായി എണീറ്റപ്പോൾ മൈക്ക് തകരാറായതിന്‍റെ പേരിൽ പൊലീസ് കഴിഞ്ഞ ദിവസം സ്വമേധയാ കേസെടുക്കുകയും, എഫ്ഐആർ രജിസ്റ്റർ ചെയ്യുകയും ചെയ്തിരുന്നു.

കേസെടുത്തതിനു പിന്നാലെ മൈക്ക്, ആംപ്ലിഫയര്‍, വയര്‍ എന്നിവ പൊലീസ് കസ്റ്റഡിയിലെടുക്കുകയായിരുന്നു.