തിരുവനന്തപുരം : ഗവർണർ ആരിഫ് മുഹമ്മദ് ഖാനെതിരേ രൂക്ഷ വിമർശനവുമായി എസ് എഫ് ഐ സംസ്ഥാന സെക്രട്ടറി പി എം ആർഷോ. ഗവർണറുടെ ഇടപെടലുകൾ മാനസിക വിഭ്രാന്തി ബാധിച്ച നിലയിലാണെന്ന് ആര്ഷോ ആരോപിച്ചു. ഗവര്ണര് അധികാരം ദുര്വിനിയോഗം ചെയ്ത് പൊലീസിനെ ഭീഷണിപ്പെടുത്തുകയാണെന്നും ആർഷോ പറഞ്ഞു .
ഗവര്ണറുടേത് ജനാധിപത്യ സമൂഹത്തെ അപമാനിക്കുന്ന തീരുമാനമാണ്. ജനാധിപത്യ സമരങ്ങളോട് അദ്ദേഹത്തിന് പുച്ഛമാണ്. എങ്ങനെയും അക്രമസംഭവങ്ങള് അരങ്ങേറുക എന്ന നിലയ്ക്ക് നടത്തുന്ന പൊറാട്ടുനാടകമാണിത്. ഗവര്ണര്ക്കെതിരായ സമരം ശക്തമായി തുടര്ന്നുപോകും. പ്രോട്ടോക്കോള് ലംഘിച്ചാണ് അദ്ദേഹം പുറത്തിറങ്ങിയത്. തന്നെ ആക്രമിച്ചുവെന്ന് ഗവര്ണര് നുണപറയുകയാണ്. ഒരു വിദ്യാര്ഥിയും വാഹനത്തിന് സമീപത്തേക്ക് പോയിട്ടേ ഇല്ല.സമാധാന സമരത്തെ അക്രമമാക്കാന് അദ്ദേഹം ശ്രമിക്കുന്നു. ഗവര്ണര് എല്ലാ സാധ്യതകളും ഉപയോഗിക്കട്ടെ.കേന്ദ്ര സേനയെ ഇറക്കി അടിച്ചമര്ത്തിയാലും സമരവുമായി മുന്നോട്ടുപോകും.ആർഷോ പറഞ്ഞു.