തിരുവനന്തപുരം: കോണ്ഗ്രസുമായും യുഡിഎഫുമായും സഹകരിക്കാമെന്ന് പി.വി. അന്വർ അറിയിച്ചതായി പ്രതിപക്ഷ നേതാവ് വി.ഡി. സതീശൻ. ഇതുസംബന്ധിച്ച ചർച്ചയിൽ ചില നിർദേശങ്ങൾ അൻവർ മുന്നിൽവച്ചതായും സതീശൻ പറഞ്ഞു.
യുഡിഎഫിനൊപ്പം നിൽക്കാമെന്ന് അൻവർ സമ്മതിച്ചിട്ടുണ്ട്. അദ്ദേഹം മുന്നിൽവച്ച നിര്ദേശങ്ങള് കോണ്ഗ്രസിലും യുഡിഎഫിലും ചര്ച്ച ചെയ്ത് തീരുമാനമെടുക്കുമെന്നും സതീശൻ പറഞ്ഞു.
ഘടകകക്ഷികളുമായി ചര്ച്ചചെയ്ത ശേഷമേ മുന്നണി പ്രവേശനം സംബന്ധിച്ച് തീരുമാനം കൈക്കൊള്ളാനാവൂ. കോണ്ഗ്രസും യുഡിഎഫും പ്രഖ്യാപിക്കുന്ന ഏതു സ്ഥാനാര്ഥിക്കും അന്വര് പരിപൂര്ണ പിന്തുണ നല്കും. കോണ്ഗ്രസ് തീരുമാനം ഘടകകക്ഷികള്ക്കുമേല് അടിച്ചേല്പ്പിക്കുന്ന രീതി യുഡിഎഫിൽ ഇല്ല. ഒമ്പത് വര്ഷം നിലമ്പൂർ എംഎല്എയായിരുന്ന അന്വറിന്റെ പിന്തുണ യുഡിഎഫിന് ഗുണം ചെയ്യുമെന്നും സതീശൻ കൂട്ടിച്ചേർത്തു.