തിരുവനന്തപുരം: സംസ്ഥാനത്ത് ഇന്നും അതിശക്തമായ മഴയ്ക്ക് സാധ്യത. അറബിക്കടലിലും ബംഗാൾ ഉൾക്കടലിലും നിലനിൽക്കുന്ന ന്യൂനനർദങ്ങളുടെ സ്വാധീനഫലമാണ് വ്യാപക മഴയ്ക്ക് കാരണം. കാസർഗോഡ് മുതൽ എറണാകുളം വരെയും ആലപ്പുഴയിലും ശനിയാഴ്ച യെലോ അലർട്ടാണ്.
മലയോരമേഖലകളിലടക്കം മഴ തുടരുന്ന സാഹചര്യമായതിനാൽ വിനോദ സഞ്ചാര മേഖലകളിൽ നിയന്ത്രണം പാലിക്കണമെന്ന് മുന്നറിയിപ്പ്. കേരള, കർണാടക, ലക്ഷദ്വീപ് തീരങ്ങളിലായി മത്സ്യബന്ധനത്തിന് വിലക്കും ഏർപ്പെടുത്തിയിട്ടുണ്ട്. ബംഗാൾ ഉൾക്കടലിലേയും അറബിക്കടലിലേയും ന്യൂനമർദങ്ങൾ കൂടുതൽ ശക്തിപ്രാപിക്കുമെന്നാണ് കേന്ദ്രകാലാവസ്ഥ വകുപ്പിന്റെ നിഗമനം.