തിരുവനന്തപുരം: കോഴിക്കോട് താമരശേരിയിലെ മുഹമ്മദ് ഷഹബാസിന്‍റെ മരണത്തിൽ കുറ്റാരോപിതരായ താമരശേരി ഗവൺമെന്‍റ് വൊക്കേഷണൽ ഹയർ സെക്കൻഡറി സ്‌കൂളിലെ 6 വിദ്യാർഥികളുടെ എസ്എസ്എൽസി പരീക്ഷാ ഫലം പ്രസിദ്ധപ്പെടുത്തി.

ഇതുമായി ബന്ധപ്പെട്ട് ഹൈക്കോടതി വിധിയുടെ അടിസ്ഥാനത്തിലാണ് നടപടിയെന്ന് പൊ​തു​വിദ്യാഭ്യാസ മന്ത്രി വി. ശിവൻകുട്ടി വാർത്താസമ്മേളനത്തിൽ അറിയിച്ചു.

കൂടാതെ പെരിന്തൽമണ്ണ താഴേക്കാട് പിടി​എം ഹയർ സെക്കൻഡറി സ്‌കൂളിൽ ഉണ്ടായ സംഘർഷത്തിൽ ഉൾപ്പെട്ട മൂന്ന് വിദ്യാർഥികളുടെ എസ്എസ്എൽസി ഫലം തടഞ്ഞുവച്ചിരുന്നതും ഉടൻ പ്രസിദ്ധപ്പെടുത്തും. ഇവർക്ക് ഉപരിപഠനത്തിന് അപേക്ഷിക്കുന്നതിന് വേണ്ട നടപടികൾ സ്വീകരിച്ചിട്ടുണ്ടെന്നും മന്ത്രി അറിയിച്ചു.