കവർച്ചാശ്രമത്തിനിടെ 64 കാരിയെ ട്രെയിനില്‍ നിന്ന് തള്ളിയിട്ട സംഭവം; പ്രതി പിടിയിൽ
file
കോഴിക്കോട്: കവർച്ചാശ്രമത്തിനിടെ അറുപത്തിനാലുകാരിയെ ട്രെയിനില്‍നിന്ന് തള്ളിയിട്ട പ്രതിയെന്ന് സംശയിക്കുന്നയാള്‍ കസ്റ്റഡിയിലെന്ന് വിവരം. മുംബൈ പന്‍വേലില്‍ ആര്‍പിഎഫും റെയില്‍വേ പൊലീസും ചേര്‍ന്നാണ് ഇയാളെ പിടികൂടിയത്. ഇയാള്‍ മലയാളിയല്ലെന്നാണ് വിവരം. കസ്റ്റഡിയിലെടുത്തയാളെ വിശദമായി ചോദ്യം ചെയ്ത് വരികയാണെന്നും പൊലീസ് പറഞ്ഞു.
വെള്ളിയാഴ്ച പുലര്‍ച്ചെ ചണ്ഡീഗഢ് - കൊച്ചുവേളി കേരള സമ്പര്‍ക്ക ക്രാന്തി എക്‌സ്പ്രസിൽ നിന്നാണ് മോഷണശ്രമം തടയാന്‍ ശ്രമിച്ച അമ്മിണി ജോസിനെ തള്ളിയിട്ടത്. ട്രെയിനിലെ എസ്-1 സ്‌ളീപ്പര്‍ കോച്ചില്‍ യാത്രചെയുന്നതിനിടെയാണ് അമ്മിണിക്ക് നേരെ ആക്രമം ഉണ്ടായത്.
രണ്ട് ട്രാക്കുകള്‍ക്കിടയിലെ കരിങ്കല്‍ക്കൂനയ്ക്ക് മേലേക്ക് തെറിച്ചുവീണ യാത്രക്കാരിക്ക് തലയ്ക്ക് ഗുരുതരമായി പരുക്കേറ്റു. യാത്രക്കാരി വീണതിന് പിന്നാലെ മോഷ്ടാവ് ട്രെയിനിൽ നിന്ന് ചാടി ഓടിരക്ഷപ്പെട്ടു. വെള്ളിയാഴ്ച പുലര്‍ച്ചെ 4.50-ഓടെയായിരുന്നു സംഭവം.