കൊച്ചി: എറണാകുളം പറവൂർ നീണ്ടൂരിൽ മൂന്നര വ‍യസുകാരിയെ കടിച്ച തെരുവുനായയ്ക്ക് പേവിഷ ബാധ സ്ഥിരീകരിച്ചു. സ്വകാര്യ ആശുപത്രിയിൽ തീവ്ര പരിചരണ വിഭാഗത്തിലാണ് കുട്ടിയിപ്പോൾ. അമ്പലപ്പറമ്പിൽ കളിച്ചു കൊണ്ടിരിക്കുമ്പോൾ‌ ഞായറാഴ്ചാ‍യായിരുന്നു കുട്ടിക്കുനേരെ തെരുവുനായയുടെ ആക്രമണം ഉണ്ടായത്.

കുട്ടിയുടെ അറ്റുപോയ ചെവി തിങ്കളാഴ്ച തുന്നിച്ചേർത്തിരുന്നു. കുട്ടിക്ക് പേവിഷബാധക്കുള്ള കുത്തിവയ്പ്പെടുത്തിട്ടുണ്ട്. കുട്ടിയുടെ ചെവി നായ കടിച്ചെടുത്ത നായയെ നാട്ടുകാർ തല്ലിക്കൊന്നിരുന്നു.