കണ്ണൂര്: കനത്ത മഴ തുടരുന്ന സാഹചര്യത്തിലും പല സ്കൂളുകള് ദുരിതാശ്വാസ ക്യാമ്പുകളായി പ്രവര്ത്തിക്കുന്നതിനാലും സംസ്ഥാനത്ത് നാളെ (01/08/2024) വിവിധ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. എറണാകുളം, ഇടുക്കി, തൃശൂര്, മലപ്പുറം, പാലക്കാട്, കോഴിക്കോട്, കാസർകോട്, കണ്ണൂർ, പത്തനംതിട്ട, വയനാട് ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് നാളെ അവധി പ്രഖ്യാപിച്ചിരിക്കുന്നത്.
അങ്കണവാടികള്, പ്രൊഫഷണല് കോളജുകള്, ട്യൂഷന് ക്ലാസുകള്, മദ്രസകൾ അടക്കമുള്ള വിദ്യാഭ്യാസ സ്ഥാപനങ്ങള്ക്ക് വ്യാഴാഴ്ച അവധിയായിരിക്കുമെന്നാണ് അതാത് ജില്ലകളിലെ കലക്ടര്മാര് അറിയിച്ചത്. അതേസമയം, മുന്കൂട്ടി പ്രഖ്യാപിച്ച പരീക്ഷകളില് മാറ്റമുണ്ടാവില്ല.