തിരുവനന്തപുരം: ക്രിസ്മത് - പുതുവത്സര ആഘോഷങ്ങളുടെ ഭാഗമായി സാമൂഹിക സുരക്ഷ ക്ഷേമപെൻഷൻ വിതരണം ഡിസംബർ 15 മുതൽ ആരംഭിക്കും. വർധിപ്പിച്ച തുകയായി 2000 രൂപയാവും അക്കൗണ്ടുകളിലേക്കെത്തുക.

ക്ഷേമപെൻഷൻ വിതരണത്തിനായി 1045 കോടി രൂപ അനുവദിച്ചതായി ധനമന്ത്രി കെ.എൻ. ബാലഗോപാൽ അറിയിച്ചു. 62 ലക്ഷത്തോളം പേർക്കാണ് തുക ലഭിക്കുക. ഇതിൽ 26.62 ലക്ഷം പേർക്ക് അക്കൗണ്ടിലും മറ്റുള്ളവർക്ക് സഹകരണ ബാങ്കുകൾ വഴി വീട്ടിലെത്തി പെൻഷൻ കൈമാറുകയുമാണ്.