പാലക്കാട്: സംസ്ഥാനത്ത് വീണ്ടും കാട്ടാന ആക്രമണത്തിൽ മരണം. പാലക്കാട് അട്ടപ്പാടിയിൽ ചൊവ്വാഴ്ച‍യാണ് സംഭവം. അട്ടപ്പാടി ചീരങ്കടവ് രാജീവ് കോളനിയിലെ വെള്ളിങ്കിരി (40) ആണ് കൊല്ലപ്പെട്ടത്.

പശുവിനെ മേയ്ക്കാൻ കാട്ടിലേക്ക് പോയപ്പോഴായിരുന്നു ആക്രമണം. തിങ്കളാഴിച വൈകിട്ട് കാട്ടിലേക്ക് പോയ വെള്ളിങ്കിരിയെ ചൊവ്വാഴ്ച രാവിലെയായിട്ടും കാണാതായതോടെ നാട്ടുകാർ നടത്തിയ തെരച്ചിലിൽ മൃതദേഹം കണ്ടെത്തുകയായിരുന്നു.