മുംബൈ: 50 വര്‍ഷം മുന്‍പ് 7.65 രൂപ മോഷ്ടിച്ച കേസ് മഡ്ഗാവ് കോടതി എഴുതിത്തള്ളി. കോടതികളില്‍ കെട്ടിക്കിടക്കുന്ന കേസുകളില്‍ താരതമ്യേന നിസ്സാരമായ കേസുകള്‍ എഴുതിത്തള്ളുന്നതിന്‍റെ ഭാഗമായാണിത്.

1977ല്‍ 2 പേര്‍ ചേര്‍ന്ന് 7.65 രൂപ മോഷ്ടിച്ചെന്ന കേസിലെ പ്രതികളും പരാതിക്കാരനും ജീവിച്ചിരിപ്പുണ്ടോയെന്നു വ്യക്തമല്ല. അവരെ കണ്ടെത്താനുള്ള പൊലീസിന്‍റെ ശ്രമവും വിജയിച്ചില്ല.

അക്കാലത്തെ 7.65 രൂപ നിസ്സാര തുകയല്ലെന്ന് അറിയാമെങ്കിലും വാദിയെയും പ്രതികളെയും കണ്ടെത്താന്‍ സാധിക്കാത്തതിനാലാണു കേസ് അവസാനിപ്പിക്കുന്നതെന്നു കോടതി പറഞ്ഞു.