നവിമുംബൈയില് ക്രിക്കറ്റ് സ്റ്റേഡിയം വരുന്നു
നവിമുംബൈ: നവിമുംബൈയില് ഒരുലക്ഷം പേരെ ഉള്ക്കൊള്ളാവുന്ന അന്താരാഷ്ട്ര നിലവാരത്തിലുള്ള ക്രിക്കറ്റ് സ്റ്റേഡിയം വരുന്നു. മുംബൈ ക്രിക്കറ്റ് അസോസിയേഷനാണ് സ്റ്റേഡിയം നിര്മിക്കുന്നത്.
സ്റ്റേഡിയത്തിനുള്ള സ്ഥലം ലഭിക്കുന്നതിനായി മുംബൈ ക്രിക്കറ്റ് അസോസിയേഷന് പ്രസിഡന്റ് അജിന്കിയ നായിക് സിഡ്കോ ചെയര്മാനും മാനേജിങ് ഡയറക്റ്ററുമായ വിജയ് സിംഗാളുമായി ചര്ച്ച നടത്തി.
റോഡ്, മെട്രൊ, വിമാനത്താവളം എന്നിങ്ങനെ മെച്ചപ്പെട്ട ഗതാഗതസൗകര്യങ്ങള് വികസിപ്പിച്ചുകൊണ്ടിരിക്കുന്ന നവിമുംബൈയാണ് സ്റ്റേഡിയത്തിന് അനുയോജ്യമായ സ്ഥലമെന്നും സ്ഥലം അനുവദിച്ചുകിട്ടിയാല് ആറു മാസത്തിനുള്ളില് നിര്മാണം ആരംഭിക്കുമെന്നും അജിന്കിയ നായിക് പറഞ്ഞു.