താനെ: രത്‌നഗിരിയിൽ നടത്തിയ റാലിക്കിടെ ശിവസേന (UBT) അധ്യക്ഷൻ ഉദ്ധവ് താക്കറെ നടത്തിയ പ്രസംഗത്തിൽ ദേഷ്യവും നിരാശയും മാത്രമേ കാണാനാകൂവെന്നും അതിൽ പുതുമയൊന്നുമില്ലെന്നും മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്‌നാവിസ്.

ഞായറാഴ്ച ഖേഡിൽ നടന്ന റാലിയിൽ, വിമത വിഭാഗത്തിന് പാർട്ടിയുടെ പേരും ചിഹ്നവും അനുവദിച്ചതിൽ ഉദ്ധവ് താക്കറെ തിരഞ്ഞെടുപ്പ് കമ്മീഷനെ കേന്ദ്രത്തിൻ്റെ "അടിമ" എന്ന് വിശേഷിപ്പിച്ചിരുന്നു. ഭിവണ്ടിയിൽ മാധ്യമപ്രവർത്തകരോട് സംസാരിക്കുകയായിരുന്നു ദേവേന്ദ്ര ഫഡ്‌നാവിസ്.

"അതേ വാക്കുകൾ, അതേ വാചകങ്ങൾ, ഒരേ പരിഹാസങ്ങൾ, യോഗത്തിൽ പുതിയതായി ഒന്നും പറഞ്ഞില്ല. 40 പേർ ഉദ്ധവിൻ്റെ മൂക്കിന് താഴെ നിന്ന് പാർട്ടി വിട്ടപ്പോൾ, ഞങ്ങൾ എന്ത് പറയാനാണ്. പ്രസംഗത്തിൽ നിരാശയുണ്ട്. പ്രസംഗത്തിൽ കൂടുതലൊന്നും ഉണ്ടായിരുന്നില്ല. ഇത്തരമൊരു നിരാശയും പരിഹാസവും നിറഞ്ഞ പ്രസംഗത്തോട് പ്രതികരിക്കുന്നത് ശരിയല്ല. ദേവേന്ദ്ര ഫഡ്‌നാവിസ് പറഞ്ഞു.

അടുത്ത തിരഞ്ഞെടുപ്പിൽ രത്‌നഗിരിയിൽ നിന്നുള്ള അഞ്ച് നിയമസഭാ സീറ്റുകളിലും ഭരണ സഖ്യം വിജയിക്കുമെന്നും ദേവേന്ദ്ര ഫഡ്‌നാവിസ് ആത്മവിശ്വാസം പ്രകടിപ്പിച്ചു.