മുംബൈ: മുഖ്യമന്ത്രി സ്ഥാനത്തിന് വേണ്ടി കൊതിക്കുന്നില്ലെന്ന് ഉപമുഖ്യമന്ത്രി ദേവേന്ദ്ര ഫഡ്‌നാവിസ്. ഒരു പ്രാദേശിക മാധ്യമം നടത്തിയ പരിപാടിയിലാണ് മഹാരാഷ്ട്ര ഉപ മുഖ്യമന്ത്രി ദേവേന്ദ്ര ഫഡ്‌നാവിസ് ഇക്കാര്യം പറഞ്ഞത്. "ഞാൻ ഇതിനകം 5 വർഷം മുഖ്യമന്ത്രിയായി സേവനമനുഷ്ഠിച്ചു. മഹാരാഷ്ട്രയുടെ ചരിത്രത്തിൽ ഞങ്ങളിൽ രണ്ട് പേർ മാത്രമാണ് പൂർണ്ണ കാലാവധി പൂർത്തിയാക്കിയത്. ഒന്ന് വസന്തറാവു നായിക്കും ഞാനും. അതിനാൽ, വീണ്ടും മുഖ്യമന്ത്രിയാകാനുള്ള അതിയായ ആഗ്രഹം എന്നൊന്നില്ല.മഹായുതി ആരെ തിരഞ്ഞെടുത്താലും പിന്തുണയ്ക്കാൻ ഞാൻ തയ്യാറാണ്". അദ്ദേഹം പറഞ്ഞു.

എന്നാൽ ബിജെപി ദേശീയ പ്രസിഡന്റ് സ്ഥാനം ഏറ്റെടുക്കുമോയെന്ന ചോദ്യത്തിന്, ഫഡ്‌നാവിസ് ഇങ്ങനെ പ്രതികരിച്ചു, "രാഷ്ട്രീയത്തിൽ ഇതുപോലെ ഊഹാപോഹങ്ങൾ സാധാരണമാണ്, എല്ലായ്‌പ്പോഴും ഉത്തരം നൽകേണ്ട ആവശ്യമില്ല. അഭിഭാഷകനാകുക എന്നതായിരുന്നു എൻ്റെ യഥാർത്ഥ സ്വപ്നം, എന്നാൽ ഇവിടെ ഞാൻ, ജനങ്ങളെ അവരുടെ പ്രതിനിധിയായി പ്രതിനിധീകരിക്കുന്നു. കഴിഞ്ഞ 25 വർഷമായി അവരുടെ ശബ്ദം."ഉപ മുഖ്യമന്ത്രി കൂട്ടിച്ചേർത്തു.