താനെ: ഡോംബിവ്‌ലി എം ഐ ഡി സി ഫാക്ടറിയിൽ ഉണ്ടായ സ്ഫോടനത്തെത്തുടർന്ന് മരിച്ചവരുടെ എണ്ണം 11 ആയി. എംഐഡിസി ഇൽ സ്ഥിതി ചെയ്യുന്ന കെമിക്കൽ ഫാക്ടറിക്കുള്ളിലെ ബോയിലർ പൊട്ടിത്തെറിച്ചതിനെ തുടർന്നാണ് തീപിടിത്തമുണ്ടായത്. വൻ സ്ഫോടനത്തിൽ 65 പേർക്ക് പരുക്കേറ്റിട്ടുണ്ട്.

ഇതിൽ 5 പേരുടെ നില ഗുരുതരമാണ്. ഫാക്ടറിയിൽ മൂന്ന് സ്ഫോടനങ്ങൾ നടന്നതായി ദൃക്‌സാക്ഷികൾ പറഞ്ഞു. വ്യാഴാഴ്ച രാത്രി മുഖ്യമന്ത്രി ഏകനാഥ് ഷിൻഡെയും മറ്റ് ഉദ്യോഗസ്ഥരും സ്ഥലം സന്ദർശിച്ചിരുന്നു