വസായ്: പ്രതീക്ഷ ഫൗണ്ടേഷന്‍റെ ആഭിമുഖ്യത്തിൽ അന്താരാഷ്ട്ര വനിതാ ദിനം വിപുലമായ പരിപാടികളോടെ ആഘോഷിക്കുന്നു. വസായ് മേഖലയിലെ എട്ട് പ്രാഥമികാരോഗ്യ കേന്ദ്രങ്ങളിലെ ആശാ വർക്കർമാർ, നഴ്സുമാർ, ഡോക്റ്റർമാർ, ശുചീകരണ തൊഴിലാളികൾ എന്നിവരെ പങ്കെടുപ്പിച്ചു കൊണ്ടാണ് ആഘോഷ പരിപാടികൾ സംഘടിപ്പിക്കുന്നത്.

വസായ് വെസ്റ്റിലെ വസന്ത് നഗരി ബാലാജി ഹാളിൽ ഫെബ്രുവരി ഏഴിനു രാവിലെ ഒമ്പതരയ്ക്ക് ജമ്മു കശ്മീർ ഖാദി വില്ലെജ് ചെയർപെഴ്സൺ ഡോ: ഹീന ഷാഫി ഭട്ട് പരിപാടികൾ ഉത്ഘാടനം ചെയ്യും. പ്രമുഖ സാമൂഹ്യ പ്രവർത്തക സാരംഗി പ്രവീൺ മഹാജൻ മുഖ്യാതിഥിയായിരിക്കും സമൂഹത്തിന്‍റെ വിവിധ മേഖലകളിൽ കഴിവുതെളിയിച്ച വനിതകളെ ചടങ്ങിൽ ആദരിക്കും. കൂടുതൽ വിവരങ്ങൾക്ക് 9323528197 എന്ന നമ്പറിൽ ബന്ധപ്പെടാമെന്ന് പ്രതീക്ഷ ട്രസ്റ്റ് ഫൗണ്ടേഷൻ ചെയർമാൻ കെ.ബി. ഉത്തംകുമാർ അറിയിച്ചു.