മുംബൈ: സംസ്ഥാന നിയമസഭാ തെരഞ്ഞെടുപ്പിൽ കോൺഗ്രസ് ഏറ്റവും വലിയ ഒറ്റക്കക്ഷിയാകുമെന്ന് അവകാശപ്പെട്ട് എംപിസിസി അധ്യക്ഷൻ നാനാ പടോലെ. വോട്ടർമാരുടെ ഇപ്പോഴത്തെ മാനസികാവസ്ഥ കണക്കിലെടുത്ത് മഹാ വികാസ് അഘാഡി (എംവിഎ) 190-200 സീറ്റുകൾ നേടുമെന്ന് ശനിയാഴ്ച ഒരു യോഗത്തിൽ പങ്കെടുത്ത് പടോലെ പറഞ്ഞു. മഹാരാഷ്ട്രയിലെ നിലവിലെ സ്ഥിതി വളരെ മോശമാണ്. കർഷകർ വളരെ ദുരിതത്തിലാണ്. ഇതൊന്നും ആർക്കും നോക്കാൻ സമയമില്ല. മജ്ഹി ലഡ്‌കി ബഹിൻ പോലുള്ള പദ്ധതികൾ (ഭരണകക്ഷിക്ക്) ഒരു മാറ്റവും വരുത്താൻ പോകുന്നില്ല, അത്തരം പദ്ധതികൾ നടപ്പിലാക്കാൻ സർക്കാർ എത്ര വായ്പയെടുത്താലും അത് അവർക്ക് ബുദ്ധിമുട്ടുണ്ടാക്കുമെന്ന് അദ്ദേഹം പറഞ്ഞു.

എംവിഎ പങ്കാളികൾ തമ്മിലുള്ള ചർച്ച സുഗമമായി നടക്കുന്നുവെന്നും ഓഗസ്റ്റ് 27 ന് യോഗം ചേരാൻ പോകുന്നുവെന്നും അദ്ദേഹം പറഞ്ഞു.

2019 ഇൽ സംസ്ഥാനത്ത് കോൺഗ്രസ് 45, ശിവസേന 56, എൻസിപി 54 എന്നിങ്ങനെയാണ് സീറ്റുകൾ നേടിയത്. വിദർഭയിലും മറാത്ത്‌വാഡയിലും നോർത്ത് മഹാരാഷ്ട്രയിലും കോൺഗ്രസ് പരമാവധി നേട്ടമുണ്ടാക്കും. പശ്ചിമ മഹാരാഷ്ട്രയിലെ ചില സീറ്റുകൾ പരമ്പരാഗതമായി ഞങ്ങൾക്കൊപ്പമാണെന്നും അദ്ദേഹം പറഞ്ഞു.