ശരദ് പവാര്
file image
മുംബൈ : മഹാരാഷ്ട്ര രാഷ്ട്രീയത്തില് വലിയ മാറ്റത്തിന് വഴി തെളിച്ച് ശരദ് പവാറിന്റെ നേതൃത്വത്തിലുള്ള നാഷണലിസ്റ്റ് കോണ്ഗ്രസ് പാര്ട്ടി കോണ്ഗ്രസിലേക്ക് തിരികെയെത്തുമെന്ന് അഭ്യൂഹം ശക്തമാകുന്നു.മഹാ വികാസ് അഘാഡിയിലെ ആഭ്യന്തര തര്ക്കങ്ങളും ശിവസേന ഉദ്ധവ് പക്ഷത്തുണ്ടായ പുതിയ രാഷ്ട്രീയ മാറ്റങ്ങളുമാണ് ഇത്തരമൊരു നീക്കത്തിന് കാരണം.
1999-ല് കോണ്ഗ്രസ് വിട്ട് ശരദ് പവാര് രൂപീകരിച്ച എന്സിപി 27 വര്ഷങ്ങള്ക്ക് ശേഷം വീണ്ടും മാതൃപാര്ട്ടിയിലേക്ക് മടങ്ങിയെത്തുമെന്ന തരത്തില് കോണ്ഗ്രസ് നേതാക്കള് ആവര്ത്തിച്ച് പ്രസ്താവന നടത്തുന്നുണ്ടെങ്കിലും ശരദ് പവാറോ സുപ്രിയാ സുളെയോ ഇതില് പ്രതികരിച്ചിട്ടില്ല.
എന്സിപിയും കോണ്ഗ്രസും തമ്മിലുള്ള ലയന ചര്ച്ചകള് അവസാന ഘട്ടത്തിലാണെന്ന് കോണ്ഗ്രസ് നേതാവ് വിജയ് വഡേത്തിവാര് ഉള്പ്പെടെയുള്ളവര് സൂചന നല്കിയിരുന്നു.
എന്നാല്, ലയന ചര്ച്ചകള് നടക്കുന്നുണ്ടെന്ന് പറയപ്പെടുമ്പോഴും ഇരുവിഭാഗത്തിലെയും താഴെത്തട്ടിലുള്ള നേതാക്കള് ഇതിനോട് പൂര്ണ്ണമായി യോജിക്കുന്നില്ല. ശരദ് പവാര് കോണ്ഗ്രസിലേക്ക് തിരികെ പോകുകയാണെങ്കില് ഒരു വിഭാഗം സുനേത്രാ പവാര് നേതൃത്വം നല്കുന്ന എന്സിപിയിലേക്ക് ചേക്കേറി ഭരണത്തില് പങ്കാളിയാകാനും ശ്രമിക്കും. വീണ്ടും പിളരുന്നതോടെ എന്സിപിക്ക് ശക്തി നഷ്ടപ്പെടുമെങ്കിലും കോണ്ഗ്രസിന് മഹാരാഷ്ട്രയില് കരുത്ത് കൂട്ടാനാകും.