മുംബൈ: ജഡ്ജിമാരെ ഡോഗ് മാഫിയ എന്ന് വിളിച്ചാക്ഷേപിച്ച ഹൗസിങ് സൊസൈറ്റി ഭാരവാഹിയായ സ്ത്രീക്ക് ബോംബെ ഹൈക്കോടതി കോടതിയലക്ഷ്യത്തിന് ഒരാഴ്ച തടവ് ശിക്ഷ വിധിച്ചു.

നവിമുംബൈയിലെ സീവുഡ്‌സ് ഹൗസിങ് സൊസൈറ്റിയുടെ സാംസ്‌കാരികവിഭാഗം ചുമതല വഹിക്കുന്ന വിനീത ശ്രീനന്ദനെയാണ് ശിക്ഷിച്ചത്.

വിനീതയുടെ അഭിഭാഷകന്റെ അഭ്യര്‍ഥന മാനിച്ച് ശിക്ഷ 10 ദിവസത്തേക്ക് സ്റ്റേ ചെയ്തു. സുപ്രീംകോടതിയില്‍ അപ്പീല്‍ പോകുന്നതിനുവേണ്ടിയാണിത്.

രാജ്യത്ത് ഒരുവലിയ ഡോഗ് മാഫിയ പ്രവര്‍ത്തിക്കുന്നുണ്ടെന്നും അവരുടെ കൂട്ടത്തില്‍ ഹൈക്കോടതി, സുപ്രീം കോടതി ജഡ്ജിമാരും ഉള്‍പ്പെടുന്നുണ്ടെന്നും വിനീത ശ്രീനന്ദന്‍ എഴുതിയ ഒരു ലഘുലേഖയാണ് കോടതിയലക്ഷ്യകേസിന് കാരണമായത്.