മുംബൈ: അന്താരാഷ്ട്ര വനിതാ ദിനത്തിൽ ബി ജെ പി വനിതാ ആരോഗ്യ പ്രവർത്തകരെ ആദരിച്ചു. ബി ജെ പി ജില്ലാ ജനറൽ സെക്രട്ടറി കെ ബി ഉത്തംകുമാറിന്റെ നേതൃത്വത്തിൽ വസായ് പ്രാഥമിക ആരോഗ്യ കേന്ദ്രത്തിലെ മെഡിക്കൽ ഓഫീസർ ഡോ. അൽമാസ് ഖാനെയും നേഴ്സ്മാർ, പാരാമെഡിക്കൽ ജീവനക്കാർ എന്നിവരെയും ആണ് ആദരിച്ചത്.
വസായ് പി എച്ച് സി യിൽ വച്ച് നടന്ന ആദരിക്കൽ പരിപാടിയിൽ ബി ജെ പി വസായ് റോഡ് മണ്ഡലം അദ്ധ്യക്ഷൻ രാമാനുജം സിംഗ്, ജില്ലാ സെക്രട്ടറി ജിത്തു പാട്ടീൽ , വ്യാപാരി സെൽ ജില്ലാ കൺവീനർ വീരൻ പട്ടേൽ, കാംഗാർ അഗാഡി ജില്ലാ കൺവീനർ സഞ്ജയ് സിംഗ് എന്നിവരും സന്നിഹിതരായിരുന്നു.