ഉദയ്പൂർ: ഉദയ്പൂരിലെ സർക്കാർ സ്കൂളിൽ 15 വയസുകാരനായ വിദ്യാർഥിക്ക് കുത്തേറ്റു ഉച്ചഭക്ഷണ ഇടവേളയിൽ ഇവർ തമ്മിലുണ്ടായ വഴക്കിനിടെ പ്രായപൂർത്തിയാകാത്ത വിദ്യാർഥിയെ മറ്റൊരു വിദ്യാർഥി കത്തികൊണ്ട് കുത്തുകയായിരുന്നു. തുടയിൽ പരുക്കേറ്റ വിദ്യാർത്ഥിയെ ഉടൻ ആശുപത്രിയിൽ പ്രവേശിപ്പിച്ചു. ഇതിനെതുടർന്ന് ആൾക്കൂട്ടം കാറുകൾ കത്തിച്ച് നഗരത്തിൽ സംഘർഷാവസ്ഥ സൃഷ്ടിച്ചു. നഗരത്തിന്റെ ചില ഭാഗങ്ങളിൽ കല്ലേറുണ്ടായ സംഭവങ്ങളും റിപ്പോർട്ട് ചെയ്തു. തീപിടിത്ത സംഭവങ്ങൾക്ക് ശേഷം നഗരത്തിന്റെ ചില ഭാഗങ്ങളിൽ ആൾക്കൂട്ടത്തെ നിയന്ത്രിക്കാൻ പൊലീസ് ലാത്തി ചാർജിനൊപ്പം സേനയെയും വിന്യസിച്ചു.
ഭാരതീയ നാഗ്രിക് സുരക്ഷാ (ബിഎൻഎസ്എസ്) സെക്ഷൻ 163 പ്രകാരമുള്ള നിരോധന ഉത്തരവുകളും ഏർപ്പെടുത്തിയിട്ടുണ്ട്.പരുക്കേറ്റ വിദ്യാർഥി ചികിത്സയിൽ കഴിയുന്ന ആശുപത്രിയിൽ വൻ ജനത്തിരക്കാണ് അനുഭവപെട്ടത്.സംഭവത്തിൽ പ്രതിയായ കൗമാരക്കാരനെയും പിതാവിനെയും അറസ്റ്റ് ചെയ്തതായും ജില്ലാ കളക്ടർ അരവിന്ദ് പോസ്വാൾ വ്യക്തമാക്കി.