അനധികൃത നിർമാണം: നടന്‍ നാഗാര്‍ജുനയുടെ കൺവെൻഷൻ സെന്‍റർ പൊളിച്ചുമാറ്റി 
India

അനധികൃത നിർമാണം: നടന്‍ നാഗാര്‍ജുനയുടെ കൺവെൻഷൻ സെന്‍റർ പൊളിച്ചുമാറ്റി

നിയമാനുസൃതമാണു നിർമാണം നടത്തിയതെന്നും കോടതിയെ സമീപിക്കുമെന്നും നാഗാർജുന

ഹൈദരാബാദ്: തെലുഗു സൂപ്പര്‍ താരം നാഗാര്‍ജുനയുടെ ഉടമസ്ഥതയിൽ ഹൈദരാബാദിലുള്ള കൺവെൻഷൻ സെന്‍റർ അനധികൃത നിർമാണത്തിന്‍റെ പേരിൽ അധികർ പൊളിച്ചുമാറ്റി. മദാപുരിലെ എന്‍ കണ്‍വെന്‍ഷന്‍ സെന്‍ററാണു ഹൈദരാബാദ് ഡിസാസ്റ്റര്‍ റെസ്പോണ്‍സ് ആന്‍ഡ് അസറ്റ് മോണിറ്ററിങ് ആന്‍ഡ് പ്രൊട്ടക്ഷന്‍ (ഹൈഡ്ര) അധികൃതര്‍ ബുൾഡോസർ ഉപയോഗിച്ചു പൊളിച്ചത്.

തുമ്മിടികുണ്ട തടാകക്കരയിൽ പത്ത് ഏക്കർ ഭൂമിയിലാണു കൺവെൻഷൻ സെന്‍റർ. തടാകത്തിന്‍റെ ഫുള്‍ ടാങ്ക് ലെവല്‍ (എഫ്ടിഎല്‍) ഏരിയയും ബഫര്‍ സോണും കൈയേറി നിർമിച്ചതാണ് ഇതെന്ന് അധികൃതർ അറിയിച്ചു. 29.24 ഏക്കറാണ് തടാകത്തിന്‍റെ എഫ്ടിഎല്‍. ഇതിൽ 1.12 ഏക്കറും ബഫര്‍ സോണിലെ രണ്ടേക്കറുമാണ് കൺവെൻഷൻ സെന്‍ററിനുവേണ്ടി കൈയേറിയത്. എന്നാൽ, നിയമാനുസൃതമാണു നിർമാണം നടത്തിയതെന്നും കോടതിയെ സമീപിക്കുമെന്നും നാഗാർജുന പ്രതികരിച്ചു.

മെഡിക്കൽ കോളെജ് അപകടത്തിൽ റിപ്പോർട്ട് ഉടൻ സർക്കാരിന് കൈമാറുമെന്ന് ജില്ലാ കലക്റ്റർ

കണ്ണൂർ, കാസർഗോഡ് ജില്ലകളിൽ ശക്തമായ മഴ; കടലാക്രമണത്തിന് സാധ്യത

ഷൊർണൂർ-എറണാകുളം പാത മൂന്നുവരിയാക്കും; റെയിൽവേ മന്ത്രി അശ്വനി വൈഷ്ണവ്

ഇന്ത്യ 1014, ഗിൽ 430; ജയം 7 വിക്കറ്റ് അകലെ

നീരവ് മോദിയുടെ സഹോദരൻ നെഹാൽ മോദി അമെരിക്കയിൽ അറസ്റ്റിൽ