ന്യൂഡൽഹി: ഇടക്കാല ബജറ്റ് അവതരണത്തിനു മുന്നോടിയായി സർവകക്ഷിയോഗം വിളിച്ച് കേന്ദ്ര സർക്കാർ. പാർലമെന്റ് സെഷനുകൾക്കു മുന്നോടിയായി കേന്ദ്ര സർക്കാർ സഭയിലെ പ്രധാന പാർട്ടികളുടെ നേതാക്കളുമായി ചർച്ച നടത്താറുണ്ട്. ഇതിന്റെ ഭാഗമായാണ് സർവകക്ഷിയോഗം വിളിച്ചിരിക്കുന്നത്.ജനുവരി 31 മുതൽ ഫെബ്രുവരി 9 വരെയാണ് പാർലമെന്റ് സെഷൻ. ഫെബ്രുവരി 1ന് കേന്ദ്ര ധനമന്ത്രി നിർമല സീതാരാമൻ ഇടക്കാല ബജറ്റ് അവതരിപ്പിക്കും.
നിർമല സീതാരാമൻ അവതരിപ്പിക്കുന്ന ആറാമത്തെ ബജറ്റാണ് വരാൻ ഇരിക്കുന്നത്.
ലോക്സഭാ തെരഞ്ഞെടുപ്പിനു ശേഷം അധികാരത്തിലേറുന്ന പുതിയ സർക്കാർ ആയിരിക്കും ഇനി പൂർണമായ ബജറ്റ് അവതരിപ്പിക്കുക.