ബെംഗളുരു: വരൾച്ച രൂക്ഷമായി തുടരുന്നതിനിടെ വാണിജ്യ സ്ഥാപനത്തിന് വെള്ളം മറിച്ച് വിറ്റ സ്വകാര്യ ടാങ്കർ ഡ്രൈവർക്കെതിരെ കേസ്. കുടിവെള്ള ടാങ്കര് ഡ്രൈവറായ സുനിലിനെതിരെ ബലഗുണ്ടെ സ്റ്റേഷനിലാണ് ജല വിതരണ ബോര്ഡ് പരാതി നല്കിയത്. ജലക്ഷാമം രൂക്ഷമായ 130 വാര്ഡിലേക്ക് വെള്ളം എത്തിക്കേണ്ട ടാങ്കര് ഡ്രൈവറായിരുന്നു സുനില്. എന്നാല് ടാങ്കറില് വെള്ളം നിറച്ച ശേഷം മറ്റൊരു വാര്ഡിലെ സ്വകാര്യ സ്ഥാപനത്തിന് വെള്ളം വില്ക്കുകയായിരുന്നു. മാര്ച്ച് 24നായിരുന്നു സംഭവം. സംഭവം വിവാദമായതിന് പിന്നാലെ ടാങ്കര് അധികൃതര് പിടിച്ചെടുത്തിരുന്നു. വെള്ളം ദുരുപയോഗം ചെയ്യുന്നത് കണ്ടെത്തിയാല് സ്വകാര്യ കുടിവെള്ള ടാങ്കറുകള്ക്കെതിരെ നടപടി കര്ശനമാക്കുമെന്നും ജല വിതരണ ബോര്ഡ് വ്യക്തമാക്കി.